المجلة الإلكترونية لنشر الأعمال الأدبية والفنية للأديب والشاعر والملحن ..*صالح البعيني*..: / المعلم والعيد / بقلم الشاعر الكبير الدكتور [ عيسى فضة ]

عيسى فضة

/   المعلم والعيد   / 
يا معلّم  الأجيال  يا نجم  الفلك 
                 ما بينحني جبين الدني إلّا إلك 
شمعة وطن بتدوب تتضوّي إلو  
                 ونهر المعارف من غزارة منهلك
لمّا  ابتدا  التكوين  كنت بأوّلو 
                بحبل الوعي من فوق ألله نزّلك 
تاج الحضاره والعلم تا تحملو 
               وهالتاج أغلى من الدهب بيكللك
عيدك ياغالي فيك رافع مشعلو
            بيضل متل الشمس ضاوي مشعلك
لولاك عتمات الجهل ما بينجلو 
              وللحق بدّي قول مش رح جاملك 
إنت اللي بتعمّر  ممالك للعلوم 
                وباقي بمملكة الفكر إنت الملك  .
كل عام وانتم في واحة الشعر والنغم والوطن وجميع المعلمات والمعلمين الشرفاء الأوفياء بألف خير ويمن وبركات.