نحن مين؟
من اي زمن ومن اي جيل
نحن كتبنا القدر بخطوط ايدينا ونسينا انه القدر مكتوب من قبل ما نخلق
نحن عم نضحك ونرقص ونزرع دروبنا أزهار ونسينا إنه الارض عطشانة حب وحنان
نحن مين؟
من اي ناس ومن واي دار
نحن جينا ع الدنيي والعيون عم تبكي ومش قادرين نحكي او نشكي
نحن منام ومنصحى ع وعد يجي بكرا احلى ومنموت الحلم ما بيتحقق
نحن ضوينا شموع السهر وكلنا مجتمعين ونسينا
انه الدار ما فيها محبين
نحن مين؟
نحن من اي ارض واي وطن
نحن مسحنا الدموع والقلب عم يبكي بلكي بتحن علينا الضحكة
نحن تحدينا الظلم والروح مكسورة يمكن ينفتح شي يوم يفتح باب الحرية
نحن عشقنا وحبينا والاحساس مدفون بسجن الايام والوحدة
ونسينا إنه ما في بقلوب البشر رحمة
#كلماتي رندا
ليست هناك تعليقات:
إرسال تعليق