꧁ محبوبي ꧂ بقلم الشاعر المقدر [ سليمان ملحم ]

 

سليمان ملحم

أبرز المساهمين
  
أحبابي أخوتي القصة حقيقية حصلت من أكثر من عشر سنين وأكلوا الديك وأنا وحدي طلعت بلاش والديك كان ألي وتمت الفرحة.
بعدها راضوني بطبق حلو.
فذكرني أحد الأصدقاء بقص الديك
فكتبت.
꧁ محبوبي ꧂
محبوبي الظاهر عشقان
وشاغل ديرتنا بفنو
رجال الحارة والنسوان
صاروا ع لحنو يغنو
تاري صاحبنا هيمان
الحلوة بديرتنا كنو
شاعر نا عندو وجدان
شباب الديري ماستنو
صبايا ورافقهم شبان
غارة ع الضيعة شنو
رادوا يستمعوا ألحان
بأشكال السهرة أنو
من فكر الشب الجهلان
الشايف حالو ع سنو
بيكتب للشيخ والرهبان
غناني شربان من دنو
بأفعالو الظاهر سكران
سرق ديكي من قنو
دبحو والقاضي رضيان
ونادا لصحابوا تأنو
الوليمة صارت عنوان
السارق ماحدا ظنو
تاريني وحدي الغفلان
أهل الضيعة شو حنو
وبالضيعة كلو سهران
الدبكة بألحانو غنو
داعيكم وحدو الخسران
أكلوا ديكي ما أستنو
بسهرتنا وحدي الزعلان
وأهل الضيعة يتهنو
تبين ها لعاشق فنان
حير ديرتنا بفنو
خوفن سافر والأحزان
بحب و ألفة يتمنو
عنوان السهرة الربحان
ديرتنا التهوا فنو
مصياف. أبوفياض14/4/2024
قد تكون صورة ‏‏شخصين‏ و‏تحتوي على النص '‏الصورا اناشااعی 9 إدارة منتدي ) رواحة الشعر و ( (النفم MAC رمخشنانتح الأاممان صو ما ققنو 2ા وذنبا مغفورا فالسنطين اأغاده الله عليكم وعلى عائلاتكم بالخیر السكيئةو المحبه وَ السّلام‏'‏‏
كل التفاعلات:
أنت، وعشتار صالح، ونبيل الخطيب و٧ أشخاص آخرين

By صالح البعيني at ليست هناك تعليقات:

( موشح ) بقلم الشاعر المقدر [ سلمان حسن ]

 

Salmaan Hasan

مسؤول
أبرز المساهمين
  
( موشح)
شو هالثمرة بشفافك مليانة تمور
قولي من وين جبتيها من ايّ غور
**
قولي من وين جبتيها وغويتي الكل
يم خدود الوردية يسمين وفل
كنو بدك تهديها عندك رح ضل
مارح عمري انسيها لو عشت دهور
**
مارح عمري انسيها وقلبي ولهان
غير الشمة من زهورك ماني طمعان
حرام النبعة بصديرك وابقى عطشان
صبي الكاسة وإسقينا من دن خمور
**
صبي الكاسة وإسقينا كاسين نبيد
حلوة الخمرة والكاسة ب ايام العيد
جايب بكلة واسوارة وفستان جديد
بعيدك يابنت الجارة وقناني عطور
**
لفتت عين البراقة وقالتي ليش
معذب حالك ياروحي تحيا وتعيش
اتركني بحالي يا عيني نحنا دراويش
فقرا كتير بحالتنا و مابدنا قصور
**
ليش الكبرا ياروحي بيي فلاح
لكن عنّا بضيعتنا رزقات ملاح
نحنا من طينة وحدة نحب الافراح
عنا معزاية وبقرة وعنا تنور
**
ضحكت ضحكة وقالتلي يااهلا فيك
تسلم يامهجة قلبي بعيني بخبيك
وحيات البابا وماما رضياني فيك
بكرا شرفنا زيارة وعنا ل فطور
**
هيك الحب بضيعتنا ابناء الريف
نية من اشرف نية والقلب نضيف
عالزيتونة عيشتنا بيكفينا رغيف
اما اللحمة عفناها ب ايام الجور
**
خلو اللحمة للسارق مال الدولة
من وين اموالو كلا شو مجهولة
سيارات وبنزين وعيشة مش معقولة
قديش بحالو السارق مزداد غرور
وحيات ربكم هيدا الصاير اليوم والرب المستعان
سلمان حسن
قد تكون صورة ‏‏شخص واحد‏ و‏ابتسام‏‏
كل التفاعلات:
أنت، ونبيل الخطيب، وMajida Seeifan و٤ أشخاص آخرين

By صالح البعيني at ليست هناك تعليقات:
الاشتراك في: الرسائل (Atom)

منتدى { واحة الشعر والنغم }

{ } بقلم الشاعر المقدر الدكتور [ ]