{ مساء العنبر } بقلم الشاعر المقدر [ سلمان حسن ]

 

Salmaan Hasan

مسؤول
أبرز المساهمين
  
مساء العنبر لمن احب معنا يسهر
______ _____ ______
مرقتي صوب بساتيني والدنيا بر ود
كان القصد تلاقيني بحقلة لورود
الغبطة شدتني عليكي مالها حدود
توهج جمر بأشواقي فيكي هيمان
***
توهج جمر بأشواقي شوفك عالبير
تميسي بالخصر اللاوي وشعرك ميطير
يسلملي الوج الضاوي وثوب الحرير
وكرم صديرك الغاوي متكا رمان
***
تحير فكري بجمالك جبتيه منين
متلك ماكون ربي كسمك حلوين
شعر الاشقر عردافك وكحل العينين
بيسحر اي عاشق شافك ست النسوان
***
بيسحرني عاشق شافك يابعد الروح
الخمرة من روس شفافك بتداوي جروح
هاتي شفة فنجانك كنو مسموح
بربي مادقت الخمرة صرلي سنتان
***
صرلي مادقت الخمرة من سنين طوال
وبعدا الخمرة عشفافك تعرض عالبال
بدي الليلة با.وصافك غني موال
ورقص نجمات العليا وزيد الالحان
***
قالت حبك بقليبي بعدو مطبوع
عن حبك وحيات العدرا مافيه رجوع
وحق الهادي نبينا وعيسى اليسوع
مالي عاشق يعجني غيرك سلمان
سلمان حسن
قد تكون صورة ‏شخص واحد‏
كل التفاعلات:
أنت، ونضال عبيد وياسر حامد

By صالح البعيني at ليست هناك تعليقات:

( ذاكرة الجسد ) بقلم الشاعر المقدر الدكتور [ عيسى فضة ]

 

عيسى فضة

مشرف
أبرز المساهمين
  
( ذاكرة الجسد )
حملتك بذاكرة الجسد ومشيت
وروحك معي مرّيت ع الماضي
ونسيت إتذكّر بأني نسيت
عتم الغياب انكب ع بياضي
ما ضل إلّا ريحتك بالبيت
وشفة يتيمه/ ي بكاسنا الفاضي
كرمال عينك من خلقتي جيت
داوي بهواكي كل أمراضي
تركتي الوطن والقلب وحدي بقيت
خاضع لحكم وهيبة القاضي
صوتك مرق عا مسمعي وبكيت
وبلّشت لملم بعدك اغراضي
لا كنت إنعس بعدك ولا غفيت
صار الوعد متل الحلم مقتول
ولا هيك قلبي بهالوضع راضي .
د. عيسى فضة
قد تكون رسمة لـ ‏شخص واحد‏
كل التفاعلات:
نبيل الخطيب، وSalmaan Hasan و٣ أشخاص آخرين

By صالح البعيني at ليست هناك تعليقات:
الاشتراك في: التعليقات (Atom)

منتدى { واحة الشعر والنغم }

{ } بقلم الشاعر المقدر الدكتور [ ]