المجلة الإلكترونية لنشر الأعمال الأدبية والفنية للأديب والشاعر والملحن ..*صالح البعيني*..: { من وين بدك } بقلم الشاعر الكبير [ سلمان حسن ]

مساكم عطر الورد يا واحة الشعر والنغم 

من وين  بدك  تعبري او تمرقي 
قلب المحب الهام بدك تسرقي
هدّي  بربك  رح  بقلك  كلمتين
هيدا  ملك  للحب لازم تعشقي

دربك  طويل  كتير عامدّ النظر
مبتقدري المشوار ودروك خطر
بدك  رفيق  يكون عاسرك امين 
ختيار  متلي  ورع  ربو   متقي

وقفت هنيهة  وتطلّعت بعيونها
عرفت  من النظر إنني  مجنوها
حلفت  بربا وقالت  علّيي  يمين
مبين  بعينك يانحس إنك  شقي

قربت صوباصرت احكي بالغرام
بعرف بحالي بالعشق آخذ حزام
نحنا ع اخذ  ورد  مدة  ساعتين
تا دبّلو العينين  وعا زندي  غفي

رح قلّكم  بالحب يل عندو علوم 
باقي بصفاء الجو ما عندو غيوم 
لكّن  حوا   بدها   واحد    فطين
عندو  لباقا   كل   حكيو  فلسفي

وحيات الله وانبي وجسدالمسيح 
حوا انوثة  وحب  والبيت المريح 
مع قهوتك بالصبح خدلك قبلتين 
فيها  سعادة  كون  كل   المعرفي
سلمان حسن

Saleh Albouini

تعليق واحد

أحببته

تعليق

منتدى { واحة الشعر والنغم }