( معذور ) بقلم الشاعر الكبير الدكتور [ عيسى فضة ]

 

عيسى فضة

 

 · ‏٥‏ س

 

 · 

( معذور )

ياقلب بعدك للعشق مندور

ماشي على درب الزمن دادي

بعصر الكورونا هالعشق محظور

والحب في عندو طبع سادي

تركت اللي قلبي حبّها ومعذور

لا جناح باقي لا غصن شادي

مادام دولاب السعد ميدور

بوادي الفرح أمّا أنا بوادي

تا صرت في كرم الشقى ناطور

بعصر وجع بشرب أنا زيادي

وبيجوز قلبي صار شاهد زور

قدّام قاضي الحب والفادي

غزلت العتم غطيت وجه النور

وعوّدت قلبي ع الحزن عادي

تا صرت متل الخاطر المكسور

وروحي ع بحّة آه معتادي

متلي الوطن خلف الأفق مأسور

وحامل من الحرمان زوّادي

يا هالدني شوفي الشعب مقهور

وبعدك ع طعن الروح معتادي

وناطر فرج بعد الصبر محصور

بين الأمل واليأس عم نادي

يا رب تجعل هالوطن منصور

حتى السلام يعود ع بلادي .

د. عيسى فضة

عرض الرؤى

معدل وصول المنشور: ٤٤

٤ياسرحامد تيم، عشتار صالح وشخصان آخران

١٣ تعليقًا

أعجبني

تعليق