....(( توسلات ميت ))...
تمرضت مرضه مو قويه ولن ملك
الموت اجاني
واشوفن اهلي..... كلهم التموا علي
كتلهم شبيه اني
حاجيته لملك الموت كلتله مروتك
سد اذاني
حتى ما اسمع بجي امي وخواتي
ولا اخواني
شويه وبعد ماشوف وكمت حيل
افتح عيوني
اثاري اولادي ملتمين ويتباجون
بجي روحاني
وأحفادي الزغار يم رجليا اي شو
ميشوفوني ثاني
صحت بصوت بويه ولكم عدل اني
لاتشيلوني
اريدنكم حبايب... شويه يمكم بعد
خلوني
مافاد الحجي وشالوني.. وبالتابوت
حطوني
وبناتي عيونهن ......تجري وخواتي
كليبهن حاني
تعال اخذنه وياك ياتالي الاهل شويه
تاني
ولما زوروني جلبت بالشباج دخيلك يا
علي احضر تراني
خايف مروتك ياعلي من الوحشه لو
وحدي نزلوني
شالو التابوت وراحوللمكبره ويم الكبر
ذبوني
ونزلوني لعد كبري...... وكبل ميطموني
لقنوني
هالو ترابي علي.وبيها.. خنكوني وعني
راحو وعافوني
وراهم صيحت ....تعالو ليش عفتوني
وياكم خذوني
عدنان المسلماوي
ليست هناك تعليقات:
إرسال تعليق