المجلة الإلكترونية لنشر الأعمال الأدبية والفنية للأديب والشاعر والملحن ..*صالح البعيني*..: { الهيبة } بقلم الشاعر الكبير الدكتور [ عامر تيسير نابلسي ]

الهيبة 

حُبّي إلها مالو حدود
ما بيوقّف بطريقو سدُود ...
جاييها من قلب الشّام 
تا اسكُن حدّها بْ الجرُود !!!

خَطفتلي قلبي السّمرا
من أوّل بسمة ونظرة ...
جنّيت بعشقها والله 
وما عاد يجي لقلبي قعود !!!

زفّونا يا حبايب القَلبْ
خلّونا بالدّبكة نجووووود
سمّعونا صوت الزّلاغيط 
كرمالنا من غير باروود !!!

هالحلوة بنت الأجاويد
تجوزتها وصار عندي عيد ...
عقبال الْ عزّابية 
ينغرموا والبهجة تعوود !!!

ملّينا من كتر الْ غَمّ
بدّنا بالفرحة نلتمّ ...
نحنا كلّنا ولاد الْ عَمّ 
ما بيفرّق ما بينّا حدود !!!

زفّونا يا حبايب القَلبْ
خلّونا بالدّبكة نجووووود
سمّعونا صوت الزّلاغيط 
كرمالنا ومن غير بارود !!!

 عامر ...

أنت وياسرحامد تيم

تعليقان

أحببته

تعليق

منتدى { واحة الشعر والنغم }