$$$$$$ عيد الخير)$$$$$
ياعيد قُل شو جايب هدية
كل الشعب ناطرك تتجيب عيدية
نشالله بُشر كي تخلص الأزمات
حق الشعب يعيش بظروف حرية
حلّا بسماء الوطن تنجلي الغيمات
وتشرق شمس نيسان صبحية
وفراش فوق الزهروتفتح الوردات
شوف العطف واللطف بكل حنية
يبست كروم الوفى وجفّت العنبات
والليل دامس لنا في كل سهرية
والبيت مظلم اشتاق كتير للنبات
والبرد قارس نحنا بعزّ. شتوية
والظالم المحتل هالسارق الغازات
تنجيب نقطة دفا ماضلّ كازية
الشعب مسكين ماضلّ في ليرات
طفل المدرسة كيف تعطيه خرجية
العندوزغار مش رح يلحق حفاضات
تاري الدني عم بتسير عكسية
دخلك يعيد ريتك تستر العورات
جيب النصر خلّصنا من هالبربرية
اتكالي عليك يسوع ياسامع الدعوات
منقدسك نحن الكل اسلام ومسيحية
بجاه مريم والنخل ودموعها الزيتات
تخلّص هالوطن من افكار رجعية
سلمان حسن
ليست هناك تعليقات:
إرسال تعليق