بتشلّ
مشكلتَكْ ما إلها حلّ
يا قمَر وحقّكْ تنسَلّ ...
وقت الْلي بعشق أنوارها فجأة علينا بليلة تطلّ !!!
ولا تنسى ما عندها خسوف
والحُسن بوجّها موصوف ...
كرمال هيك اعمل معروف وعن كوكب مولاتي فلّ !!!
لا تزيد القصة تعقيد
شمعاتك ما عاد تفيد ...
حتى الشمس الأقوى منّكْ من نورها حدّها بتنشلّ !!!
مش عم بالغ أو مجنون
هيدي هيك أسرار الكون ...
وين ما حبيبة قلبي تكون الأنوار لوحدها بتهلّ !!!
سبحان اللي عطاها جمال
ورقّة ومن دون شوفة حال ...
بفديها بروحي والمال وبعلنها قدام الكلّ !!!
لا تزيد القصة تعقيد
شمعاتك ما عاد تفيد ...
حتى الشمس الأقوى منّكْ من نورها حدّها بتنشلّ !!!
عامر ....
ليست هناك تعليقات:
إرسال تعليق