المجلة الإلكترونية لنشر الأعمال الأدبية والفنية للأديب والشاعر والملحن ..*صالح البعيني*..: / وقتك رحل / بقلم الشاعر الكبير الدكتور [ عيسى فضة ]

عيسى فضة

/   وقتك رحل  / 
المسكين  قاعد  عا لغم  موقوت 
واليوم مش مرتاح 
وحامل الماضي  ع ورقة  توت 
طاير بدون جناح  
وباقي بزمانك مختلي ومكبوت 
بين الخمر والراح 
والصوت صدّى والصدى بيموت 
عايش ع صد رماح 
لا مال عندك لا معك ياقوت 
وقتك رحل وانزاح 
وبعدك بحقل الذاكرة مزتوت 
وبيدوّد التفاح 
عندك فكر لاكن ماعندك قوت
طار الحمام وناح
فكرك عِتق صار الزمن مخووت 
ما عاد ديكك صاح 
وبتدق عا باب العصر تتفوت 
لا العصر رح يفتح إلك بابو
ولا في معك مفتاح  .             د. عيسى فضة