المجلة الإلكترونية لنشر الأعمال الأدبية والفنية للأديب والشاعر والملحن ..*صالح البعيني*..: / الملتقى براس السني / بقلم الشاعر الكبير الدكتور [ عيسى فضة ]

عيسى فضة

/   الملتقى براس السني   /

إمشي معي تا نلتقي براس السني 
                     هونيك  رح  نقرا  سوا  مرسالها  
عن شوق رح نتفقد الحلم  الهني 
                     إنت  وأنا  ونشوف  حالة  حالها
مبارح أنا  مرّيت  عا بال  الدني
                      وفضّيت  أيام  السني  بغربالها 
وبلّشت غربل هالخوالي المحزني 
                      وتدحرج  الآهات  فوق  خيالها
لقيت الفرح ختيار ضهرو منحني 
                     عكّازتو  ع الجرح  حطا  وشالها  
وشفت البلد  بالبهرجات  مزيّني 
                     والجوع  عامل  مهرجان  قبالها 
وفوق الفقر بتمر دعسات الغني 
                  ونسوان عم تمشي ع ضهر رجالها 
عين الظلم ع الناس صارت مدمني 
                      وعين  العداله  نايمة   بعرزالها 
ما ضل بالغربال غير راس السني 
                    وعا شجرة  الميلاد  علّق  شالها .
                                          د. عيسى فضة