المجلة الإلكترونية لنشر الأعمال الأدبية والفنية للأديب والشاعر والملحن ..*صالح البعيني*..: { بحر عيونك } بقلم الشاعر الكبير [ سلمان حسن ]

منشورات آخر الأخبار

منتدى { واحة الشعر والنغم }

مساكم سعادة شعراء الواحة 

بحر  عيونك  موجاتو  داير مندار
كلما  هبت  نسماتو بيعمل  اعصار
* 
كلما  هبت  نسماتو  بيذبد  هالشط
النورس  تعبو جناحاتو ماقدريحط
معود  يعمل رحلاتو من  ذاك الخط 
ولمّا   ذادو    نهداتو   بالعالي   طار
* 
شوهالسحر البعيونك  ماقلتي منين
راقب حسنك وفتونك صرلي عامين 
الشعّار  لما  شافونك  ابدوا  التلحين
ب  القصائد  يشدونك  شدّو  الأوتار
* 
دخلك ياصدر العالي بسجنك مظلوم 
اظهر  فوق  العلالي  وليشك محروم
خلي  هالبدر  يلالي  من  دون  غيوم
هيك  نظرة  تحلالي  ع  دراج   الدار
*
قالت   انّا   مدعية ع    واحة    شعر 
تعمل   معهم   سهرية  لبذوغ   الفجر
اوعك  تتحركش  فيي  ماعندي صبر
كنّك    زغزغت    النية   بسحب  بتار
* 
قلتلّلا   معاك   رايح  عالواحة   نفوت
فصّلك   بدلة   جديدة  لولو   وياقوت
ثغرى  مبين تلوينو  من كبوش التوت
والشاعر  الله  يعينو   بطول  المشوار
سلمان حسن