{ أتـحـداك } بقلم الشاعر الكبير [ حسن أبو علي ]

 

Hassan Aboali

ساعة واحدة

 

 · 

************{ أتـحـداك }************

"" "" "" "" "" "" "" " "" "" "" "" "" "" "" "" ""

إنـت بعمايـلك ديـة بتصغـر أوي ف عنيـا

وغلاوتـك جـوه قلبـي بتقل شوية شويـة

والصورة الحلوة البهيـة اللي شايفاك فيها

عنية بأيدك مـش أيديـة إنت خليتها ردية

والروح اللي كانـت عـشقاك وبتحلم ببكره

معاك خلاص قـربـت تنساك وتبيع القضية

والقلب اللي دااب ف هـواك وكان كل همه

رضاك هيبعد وأتحـداك تشوف بعده حنية

والعين إللي سهرت ليـك بدموعها بتنادي

عليك هتنام ولاتسأل فيك وشكراً للتحية

واللهفـة وخوفي عليـك وإنـت بعيد مـش

لاقيك ربنا يكتبها عليك وتحس باللي فيا

والحـزن إللي غطى ملامحي وزود مـرارة

جرحـي بكرة هيتبدل بعدك سعادة أبديـة

والحـب إللي لـوع قلبـي وسهرني الليالـي

لوحدي هتعاني منـه بعدي بدل المرة مية

والشوق اللي مخليني النوم يجافي عيني

هسلاه وهعيش سنيني بهداوة غير عادية

والبعد اللي زاد ع الحـد والدمع اللي جرح

الخد هتعاني منهـم بجـد الأيام اللي جاية

إلحـق عيشلك يوميـن وأفرحلك فرحتيـن

بُكـرة تدور السنين وتلاقي نفسك ضحيـة

الجـرح والفـرح ديـن صعـب رده بدمعتين

وإنت سيد العارفين أد أيه ياما جيت عليا

خدت مني أجمل سنين خدت حب وشوق

وحنين كنت فاكـر إنك أمين وأد المسؤلية

ظني خاب وأشكيـك لمين إنت أيه وطالع

لميـن قولي هتوصلنا لفين بأفعالك الغبية

مطلوب من قلبـي أيه لجل ماترضى عليه

أكتر م الحب أديلك أيـة علشان تحس بيا

بتخالف شرع وأعـراف وعايش دور كامل

الأوصاف كأنك م طينة وانا م طينة تانية

شايف نفسك م الأشراف حلمك تبقه نجم

غُلاف وطلعة أخر المطاف مجهول الهوية

ومن كتر قلبـي ماشـاف ويـاك أيام عجاف

مبقاش ليا معاك أهداف تستاهل أي أهمية

بطلـت أوشوش أصداف وأَلف وأدور علـى

عراف يحنن قلبك ع قلبي بوصفة سحرية

الهوى والعشق نصيب إنت مابقتش حبيب

أيه يعني لما تغيب مش هتبقه نهاية الدنيا

بقلمي.................................... حسن ابو علي

عرض الرؤى

معدل وصول المنشور: ١٠

٣أنت، Hassan Aboali وفاطمة قرقوري

تعليقان

أعجبني

تعليق