المجلة الإلكترونية لنشر الأعمال الأدبية والفنية للأديب والشاعر والملحن ..*صالح البعيني*..: من وحي كلمات الشاعر Hassan Aboaliوردا على قصيدته اتحداك بقلم الشاعرة الكبيرة [ فاطمة قرقوري ]

من وحي كلمات الشاعر Hassan Aboaliوردا على قصيدته  اتحداك

اتحداك
انت بعمايلك دية
 بتصغر اوي في عنية
وغلاوتك في قلبي
 بتقل شوية شوية
في هواك كنت ماشية
 مغمية عنيا
وانت بغرورك 
بتقسى عليا
فاكرني ملك ايدك 
وهتحمل لهيبك  
وحرضى اعيش
 في ركن من 
حياتك مرمية
اللي يسالك انا مين 
ترد بعنجهية 
وتقول  دي واحدة 
مابقاش ليها اهمية 
ومهما عملت فيها
لاهتقدر على البعاد 
دي ضعيفة مش قوية
بس دي اوهامك
 لما تفتكر حبي
 ملوش دية
وقدام الناس
 تخلي حالتي
ميؤوس منها ردية
رسمت لي بالحب
 في الاول بحور
احلام وردية
ولما حبيتك
 حولت حبي 
لمشكلة وقضية
كلامك معايا
 كله خناق وخصام
بزعيق وعصبية
والمفروض اصبر
 واقدم لك الولاء
و لحضرتك التحية
واعيش معاك عذاب 
واحزاني تكون ابدية
وكل جروحي منك
 تبان قدامك عادية
تتفرعن على قلبي
 وابقى مكسورة
 الجناح ضحية 
راجع نفسك قبل
 ما تندم عليا
لو انت مش قد حبي
 ابعد ايه جابك ليا
راعي تصرفاتك او 
اتحمل المسؤولية 
بلاش تسرح باحلامك الغبية
وتفتكر اني اسيرة 
عندك صبح وعشية
انا ممكن انساك في 
لحظة وحتندم عليا
خليك حنين لمسة 
ايدك سحرية
قلبك يحرك الحجر
من الحب والحنية
 قادر بالحب تخليني
طفلة بريئة وشقية
ارجع زي ماكنت
 حتلاقيني بضفاير 
واحلام بنوتة صبية
عايشة الحلم معاك
 زي الحمام وانت الغية 

فاطمة قرقوري الوردة البيضاء

قد تكون صورة لـ ‏‏شخص واحد‏ و‏نص مفاده '‏ليست كل امرأة يمكن استبدالها بأخرى هناك امرأة لو ضاعت منك وفرَّطتَ بها فلن تجد من يشبهها سوف تمضي بقية حياتك تجمع بقايا صورتها من ألف امرأةٍ أخرى لكنك لن تتمكن من جمعها لتعوّض ...........‏'‏‏

عرض الرؤى

معدل وصول المنشور: ٠

أنت وفاطمة قرقوري

تعليق واحد

أعجبني

تعليق

من وحي كلمات الشاعر Hassan Aboaliوردا على قصيدته اتحداك بقلم الشاعرة الكبيرة [ فاطمة قرقوري ]

ليست هناك تعليقات:

إرسال تعليق

منتدى { واحة الشعر والنغم }

{ } بقلم الشاعر المقدر الدكتور [ ]

الإبلاغ عن إساءة الاستخدام