المجلة الإلكترونية لنشر الأعمال الأدبية والفنية للأديب والشاعر والملحن ..*صالح البعيني*..: / كلّك إلي موقوف / بقلم الشاعر الكبير الدكتور [ عيسى فضة ]

عيسى فضة

/   كلّك إلي موقوف   /
تسطّح معي عا تخت أحلامي 
                 تغطا  حبيبي  بشرشف  هيامي 
وغطي يا شاعر  لهفة  عيوني  
                 بشال الغزل  من شعرك السامي
اكتبني  قصيدة حب مجنوني
                 ما بتنمحي . .  تتقوم   القيامي  
شيل النعس عن مرصد جفوني 
                   تا ضل  شوفك  هون  قدّامي 
بقلبك  أنا  رح  كون  مسكوني 
                    بخبّيك  بين  زهور . . أيامي
تتضل  روحي  فيك  مرهوني
                 وتقطف وحي من كرم  إلهامي
فضّي خوابي الشوق بجنوني 
                  تا إشرب  من  نبيدك  الشامي   
ولا تظن فيك تروح مني تفل 
                كلّك  إلي  موقوف . .   إلزامي .
                                            د. عيسى فضة