المجلة الإلكترونية لنشر الأعمال الأدبية والفنية للأديب والشاعر والملحن ..*صالح البعيني*..: / بدنا الخلاص / بقلم الشاعر الكبير الدكتور [ عبسى فضة ]

/   بدنا الخلاص   /  شروقية
قدّام عينك 
ياشرق حطولنا القنّاص  
واقف ع سطح 
الغرب بجنون عدواني 
قنّاص مجرم 
بالغدر عندو اختصاص
متل المعارض
اللي شاهر سيوف الخياني 
ومتل الكأنو 
الشرق ما عاد في منو خواص
حتى العرب 
صاروا متل نسوان عرياني 
يعني الخطر من 
حولنا يا ناس عام وخاص
نار الحرب 
شرق الوطن وشمال شعلاني 
هونيك بتنام   
الطفولة بين طخّات الرصاص 
وعن الصبح 
بتفيق والأعصاب تلفاني 
مش هم ما في 
كهربا ومازوت بدنا هالخلاص 
من هالمآسي 
نعود عا خط الأمان الأولاني 
ويرجع وطنّا 
يضبط الوقت اللي جايي 
عا صهلة خيول
النصر والمجد من تاني  .       د. عيسى فضة