{ خليك صاحي } بقلم الشاعرة الكبيرة [ نوال حريقص ]

 

نوال حريقص

1 س

 

 · 

اخوتي وأخواتي بواحتي

العامرةبنخبةلايستهان بها

من الشعراء الراقيين لكم

اهدائي هذا من دروس

الحياة خذ لنفسك مكان

يليق بمقامك..ولا تغريك

أغصان وارفة على سطح

الثرى .. ربما تحتها حفرة

ولا تسبح بالمياه العكرة

ربما تخفي عليك الثعابين

خليك صاحي

يا صاحبي خليك واعي بهالزمان

وفكر بحالك كيف تختار المكان

ببحر هايج قط لا ترمي شبك

خليك راسي دوم عَ بر الأمان

ان جارت الايام لا تشكي لحدا

ولا تنده الطرشان بيضيع الصدا

سيد بقصرك ماتهاب من العدا

سيف الحقيقة بِيمينك صولجان

بعمرك لاتهوَ الغامزين اللامزين

رافق ولاد الأصل والجذر المتين

وانده اله العرش ربك كل حين

يفتح طريق الحق قدامك جنان

بوصيك ترحل إن عليك تغامزو

ومباديء الأخلاق لو يتجاوزو

متهوم معهم قط ما بتتمزو

ملجوم معهم كَ الأصيل بلا عنان

ارحل وجالس ناس تعرف قيمتك

مو قيمة القرش اللي جوا جيبتك

حقك قرش لما بتفضى جيبتك

مو همهم أصلك وفصلك ياسنان

خليك صاحي ورافق ولاد الحلال

وعاملهم بمعروف ان جد السؤال

خلِ يمينك تسبق الكف الشمال

ولَربما الأيام تغديك المدان

يد المعونة مدها بجود وسخا

ومحبة ال بينك وبينن رسخا

اما الندل بيضل دشمة مفخخا

لما تدير الضهر بيعدك جبان

خليك صاحي وما تأمن صحبتو

عندو هدف بيجوز يخدم رغبتو

بنص ضهرك رح يصوب نبلتو

وبيرجع التاريخ مع عنتر زمان

يا صاحبي اسمع كلامي بالأكيد

في اختيارك بالصداقة تستفيد

ابن الأصل يفديك بدم الوري

وصابيع ايدوبعتم ليلك شمعدان

ارحل لاتبقى قط بمجلس هزل

أو مسخرة بِ حق غايب..مُعتزل

ال بيجالس الراقي مقامو مانزل

والمطرحو معهم بعمرو مايبان

ل بيحبك وانت مريض بتعبدو

وخليك شمعة تدوب جوا معبدو

ويلي ضحك وانت متبكي أسودو

بيمسّحْ الدمعات ويقلك كمان

خلِ كلامك عزف للي بيسمعو

وللي اذا صابك مصاب بيدمعو

وان كان عندك شي مصيبةتجمعو

وان كان عندك فرح بِ أموالمكان

آخر كلامي بعيد إحفظ نعمتك

لا تحدث الجهال إخفي سيرتك

بيشوهو الكلمة ليلغو سمعتك

ويكيلو الحنطة بمكاييل الزؤان

$$$$$$$$$$$$$$$$$$$$$$$$$$

الشاعرة : نوال أمين حريقص

بلدي : سوريا حمص وادي النصارى

$$$$$$$$$$$$$$$$$$$$$$$$$$

عرض الرؤى

معدل وصول المنشور: ١٣

٢أنت وياسر حامد

تعليقان

أعجبني

تعليق

جائزة