المجلة الإلكترونية لنشر الأعمال الأدبية والفنية للأديب والشاعر والملحن ..*صالح البعيني*..: / مواطن ومسؤول / بقلم الشاعر الكبير الدكتور [ عيسى فضة ]

عيسى فضة

/   مواطن ومسؤول  /
مسؤول قلّو يا مواطن روق
                 حاجي بقى تقلّي أنا  مخنوق
توكّل  ع ألله  القادر  الجبّار
                 وخلّيك ماشي عاهواة السوق   
نزلت دمعتو هالمواطن صار 
              يلملم قميصو المهتري المخزوق 
بلهجة  فقير  معتر  ومنهار 
               محزون قلّو  من قلب  محروق 
يا سيّدي الأسعار صارت نار
            صرنا بوقت مجنون مش مسبوق 
فوضى وفساد كبير واستهتار 
                   ما عاد باقي  للفقير  حقوق
كتروا الضحايا واليتاما كتار 
            وبنك الشعب يمكن طلع مسروق 
يا سيّدي  يلعن  أبو  الدولار 
              التجار  صاروا  يلعبوا  بالسوق 
       وصرنا ع مبدأ شم أوعا تدوق !!!!!
                             د. عيسى فضة مشتى الحلو