/ متل الشبح / بقلم الشاعر الكبير الدكتور [ عيسى فضة ]

 

عيسى فضة

‏٢‏ س

 

 · 

/ متل الشبح /

بعز العتم عربشت عا طلعة قمر

وطلعت من صمتي الطويل

سرجت الفكر وجمحت ع خيول النظر

ومن فوق شدّيت الرحيل

ولمّا وصلت مطرح ما كنّا نلتقي

لا كان صوتي تسمعي ولا كان لوجودك دليل

قوس القزح فيي انكسر

ودعست ع خيالي القتيل

متل الشبح مرّيت ع جنون البشر

ومدّيت حالي بآه مجنوني

وطلّيت من شبّاك مملكة السهر

لمحتك أنا بلمح البصر

شدّيت ع لجام السفر

ترجّلت فيكي بساحة عيوني

وبرمت حولك ألف ميل وميل

احمر الوقت وتدحرجوا الدمعات

من عين الحجر

واخضرّت وراق الحلم

خزّقت فيكي كل صفحات العتم

ودخلت عا بيت القصيد

طلعت بوج العتم شمس الأصيل

خرّقت كوخ المعجزات

وفتحت باب المستحيل

وصرتي الأميرة فوق هالعرش الجليل

عند المسا عم تحبلي وعند الصبح

عم تولدي مع كل ساعة جيل . د. عيسى فضة

عرض الرؤى

معدل وصول المنشور: ٣٠