منتدانا الراقي واحة الشعر والنغم
$$#$$الواحة الفواحة$$#$$
$$$$$$$( ما بالك )$$$$$$
مبارح. شفتك زعلانة جايي من العيد
بعلمي انك فرحانة هالعام جديد
بعرف انك عشقانة وحولك عرسان
*
فستانك احمر غاوي مكسّر تكسير
شعر الأشقر عردوفك بالنسمة يطير
شال الأصفر عالزنار مقصّب حرير
ملفلف عالخصر اللّاوي قدش فرحان
*
بصدرك جامع وكنيسة وبابو منحوت
حتى نعمل تقديسة كل يوم نفوت
بدي قدّس محرابك لو أني . بموت
إلّا. اتذوق. خمراتك. ماني طمعان
قالت
شو هالعيد وسهراتو مين المرتاح
بير القلّو مياتو ويل الفلاح
متعلم صارو شهاداتو مهب ّ الأرياح
والسارق من رفقاتو هوّي الشبعان
*
لتذكرني. بالجازة من عندو بيت
ومين الماعندو حاجة لهيك استغنيت
نيال العندو جاجة وشوية زيت
ويشكر رب الساترها ويبقا رضيان
سلمان حسن
ليست هناك تعليقات:
إرسال تعليق