امس عزمتك سهرية وبعدي سهران
كذبتي عليي وماجيتي بعدي زعلان
شو بحكيلك ياخيي وعد النسوان
بيشبه صبّات المية بقلب الغربال
*
مبطلع ربع وقية بوزن الميزان
لكن لو بدا هدية منك فسطان
بتبقا بجنبك محنية وردة شوال
*
يا الله شو نعومة كلاما معسول
صبحية عند القومة بتعملك فول
وياربي عند النومة مابقدر قول
تفرك دقنك بعنومة واطيب موال
*
كنّا الجيبة مليانة دغري تفضيك
لتصدقها امانة ضحكاتا عليك
وقت الحاجة سهرانة دوم تراضيك
ولمّا الجيبة طفرانة مانك عالبال
سلمان حسن
ليست هناك تعليقات:
إرسال تعليق