مساء المحبة والتفاؤل
$$$$$$ موشح$$$$$
كلما ماهبت نسمة هالشعر يطير
وتبقا عيوني عالنسمة احلا نواطير
+
عيوني ترافقها البسمة حدك بكير
نسمة بنسمة عالخصلة حليانة كتير
وخلّي الخصلة بالخصلة متل نوافير
*
سبحان رب الخالقها قطعة مرجان
رقة وخفة مأنقها ياغصن البان
لمُا عيني ترمقها ببقا هيمان
وجنّة شعري تعشقها رفوف عصافير
*
الله كَوّن هالجنة فيها غيدات
وزهور بلون الحنة عليها نحلات
وشاعر متلي مستني يحكي حكايات
بين الغنّي والغنّي عقلو بيطير
*
فسطان الجوري عليها مفصّل تفصيل
ويلّي فيها محليها خصر النحيل
كحلة عينا باريها كحّلها بميل
وقناني المسك عليها يعطّر تعطير
*
سلمان حمّاد شاديها بيحب الورد
جايبلك بوكة زغيرة من أعلا جرد
عنّا نسمة جردية تشعر بالبرد
تعبي من نبع الصافي احلا قوارير
سلمان حسن
ليست هناك تعليقات:
إرسال تعليق