{ دَليلة } بقلم الشاعرة المقدرة [ سعاد مبتهج ]

 

زجل مغربي بعنوان
دَليلة--Dalila
دَليلة
الغنْج والدلالْ يا مولاتي ليك خْلاقْ
والورد والزهر هدية بيك يلاقْ
إسمك يا لالة نخْوة ونور براقْ
نْزلتِ في جنان الروح يا دَليلة
كيفاش القلبْ ليك ما ينسـاقْ
نْشوفك بْـعين القَـلْب سبحان الخلاقْ
بْـغيت نكتبك ليك قصيدة يا مولاتي
هرْبَـتْ مني لقـوَافِـي و الأشْـعَارْ
قليل ف.وصفَك حَرْفِي
ما لقيتْ للي بِقَدرك يلاقْ
وفَكرت نرسمك يا زينة الصورة
لكن خَفتْ تْخونِي الريشة ولوراقْ
مدَادي ولْوانِي ما يوصفوك وخا نحماقْ
ريحتَك ريحة فواحة غلباتْ
يا ريحة المسك والعنبرْ
ما نْصيـبْها ف.سواقْ
الزينْ والرْزانة وزدتِيها بالأخْـلاقْ
الصفَا والنية والعقل دواقْ
سكنْتِي قلبي والنضرْ ليك توَّاقْ
جراتْ ليك الروح قبل العينْ و الساقْ
أش يصبرْني على البعد والفراقْ
وللي عرفَك يا دَليلة يصبح منْ العشاقْ
إيلا شافَك مرة يعود ليك يجري مشتاقْ
نْوصلك بحبل لوفَا والعاهد بيناتنا ميثاقْ
نْخبرك يا دَليلة صدري قصرْ كبير براقْ
ونْتِيا فيه أميرة ساكنة الأعمـاقْ
دَليلة--Dalila
بقلمي سعاد مبتهج
قد تكون صورة ‏‏‏شخص واحد‏، و‏زهرة‏‏ و‏نص‏‏
By صالح البعيني at

ليست هناك تعليقات:

إرسال تعليق

الاشتراك في: تعليقات الرسالة (Atom)

منتدى { واحة الشعر والنغم }

{ } بقلم الشاعر المقدر الدكتور [ ]