المجلة الإلكترونية لنشر الأعمال الأدبية والفنية للأديب والشاعر والملحن ..*صالح البعيني*..: / معك للموت / بقلم الشاعر الكبير الدكتور [ عيسى فضة ]

عيسى فضة

/    معك للموت    /
يا شام . . منذ  مطلع  التكوين 
               مكتوب إسمك من عبير الياسمين 
يا شامة العشقين عا خد الصبا 
              يا بصمة  النصرين  بكتاب  العرين  
يا رفيقة التاريخ نورك ما خبا 
               لولا ظلام الحقد  والحرب  اللعين 
ولمّا العتم غطّا المنارة وخرّبا 
              عرفنا الحقيقه وصار في عنّا يقين 
إنو الغلط موجود مش بالكهربا 
             تاري حدى  يا شام  ناصبلك  كمين
ولعبة خطيرة بهالوطن عم يلعبا 
             تيطفّش الشعب الأبي الحر الأمين
يا هالزمن ما فيك تبقى تعاتبا     
               مازال  نحنا  ع المآسي  صابرين 
وعا خشبة الإرهاب مهما تصلبا 
              بتضل قلعة مجد مرفوعا الجبين
يا شام كلمة حق فيكي بكتبا 
            نحنا معك للموت مش رح نستكين
حتى حروف النصر فيكي نعربا
           ونبقى على أبواب البطولة صامدين
ومهما الظلم بيزيد مش رح نشتكي
              الشكوى مزلة  لغير  رب العالمين  .
                                       د. عيسى فضة