المجلة الإلكترونية لنشر الأعمال الأدبية والفنية للأديب والشاعر والملحن ..*صالح البعيني*..: / غزل متل العسل / بقلم الشاعر المقدر الدكتور [ عيسى فضة ]

عيسى فضة

/   غزل متل العسل   /
قالت :
تسطّح معي ع فراش إحساسي 
                     وخلّي هواك  يكون  ع قياسي
تتصير روحي فيك مسكوني 
                       عبّي  خمر  عنقودك  بكاسي 
اسكرني ع شهقة شوق مجنوني 
                   وفوت بحنيني وسكّت جراسي 
بموّن  عشق  وبكتّر  الموني 
                   بخزّق  بقايا  أوراق  وسواسي
قال :
مشتاق  فيكي  كون  وتكوني
                  شهوة عسل ع شفاف حسّاسي
برموش عيني برسمك قوني
                   وأول  مقيمة  تفوت عا راسي 
رح إحبسك في غرفة عيوني
                    ومع  كل  رفّة  عين  تنباسي 
ع فراش إحساسك أنا ما بنام 
                  رح ضل صاحي والدني ناسي 
قالت :
ياريت  فيك  بضل  مسجوني 
                   عيونك معي  بتكون  حرّاسي
وقبل ما فيك صير كتير مديوني
                   فضّي  سهر  عينيك  بنعاسي
وبين  القلب  خلّيك  وجفوني 
                  بغطّيك بحرام العشق بخفيك
     ما بين  تلج  ونار  أنفاسي . د. عيسى فضة