المجلة الإلكترونية لنشر الأعمال الأدبية والفنية للأديب والشاعر والملحن ..*صالح البعيني*..: (( يكًول انسى )) بقلم الشاعر المقدر [ عدنان المسلماوي ]

(( يكًول انسى ))
يكًول انسى .وانا ما اكًدر
على النسيان 
لان مشروبي ...من خلقه
واخلاقه الاحسان
شلون انساك وكًلبي وياك
حاسس بالامان
انا كًبلك ....حبيب الروح
عايش الحرمان
لما آمنت ....وارتاح بالي
يرجع الخذلان
انا بدونك ..حبيبي ورد
للماي عطشان
شلون ادور النسيان وانا
بغيرك ورد ذبلان
شوية انصاف.... لاتكسر
 كلب هيمان
شنوانت شبيك. ماشايل
 كلب إنسان 
تكلي انسى.. واني منك
ابد مو شبعان
على ريحة سواليفك انا
متعود وولهان
كتلني الشوك تعال ارجع
لتخليني حيران
شلون كلي طاوعك كلبك 
على الهجران
يكلي انسى.. وهو بكلبي
نايم البطران
اذا انت كدرت تنسى انه
ماأكدر على النسيان
     عدنان المسلماوي