/ أنتي وحلب / بقلم الشاعر المقدر الدكتور [ عيسى فضة ]

 

عيسى فضة

مشرف

 

 · 2 س

 

 · 

/ أنتي وحلب /

يا معتّقه نبيد الحلى بخابة أدب

حبي إلك بالقلب أغلى من الدهب

مشتاق كاس الشوق عا سكرة حنين

قد العشق ما اشتاق نتلاقى بحلب

خلّي الفرح محاية الشجن الحزين

مهما بحلب يهتاج زلزال الغضب

ولمّا صحي هالوقت عا صرخة أنين

كوني القويّه ع القدر ما في عتب

ملهوف قلبي اليوم مش رح يستكين

تا نلتقي . . ويكون مرتاح العصب

رح جبلك من الشام باقة ياسمين

من ريحة التاريخ ع وراقا انكتب

إنو حلب عنوان قاموس السنين

ومعزوفة العشقين وغناني الطرب

لا تحزني وحيات رب العالمين

بكرا حلب متل المسيح اللي انصلب

بتقوم ع الراحات ورجال العرين

وإنتي السبب تا ضل عشقان الحياة

ولولا وجودك كان ما عندي سبب .

د. عيسى فضة

عرض الرؤى

معدل وصول المنشور: ٢٦

كل التفاعلات:

٢عشتار صالح ونضال عبيد