المجلة الإلكترونية لنشر الأعمال الأدبية والفنية للأديب والشاعر والملحن ..*صالح البعيني*..: / صومعة شعري / بقلم الشاعر المقدر الدكتور [ عيسى فضة ]

عيسى فضة

مشرف

/   صومعة شعري   /
ياريت  لو  يرجع  معي عمري 
               صوب الصبا وجيكي على مهري  
بطلع  كنت  من اول  المشوار 
               مارد  ذكي  بفانوسك  السحري
بين  التلج  بمرق  أنا  والنار 
              رابط خيوط الشمس عا خصري 
بجبلك أساور من كنز عشتار
              وأغلى الجواهر من عشق عذري 
من شفافك بعبّي العسل بجرار
              بعتّقلك  بدن  القلب . . . خمري
تا تشربي من جديد ليل نهار 
             وتتعطري  بريحة  شذى  عطري
بعزف لحن حلمي على الأوتار 
               وحتى  تصيري  صاحبة  أمري
بجبلك وطن مزروع ورد وغار 
              ويكون على  آخر  طرز  عصري
وبمحي  الخيانه بدفتر العشاق
              وبفرش وفا في صومعة شعري .
                                     د. عيسى فضة