المجلة الإلكترونية لنشر الأعمال الأدبية والفنية للأديب والشاعر والملحن ..*صالح البعيني*..: / متعوب / بقلم الشاعر المقدر الدكتور [ عيسى فضة ]

عيسى فضة

مشرف

/   متعوب   /
يا حامل الماضي ع ورقة توت 
مابتحسب حساب الرياح  
وماسك بإيدك لغمك الموقوت 
وطاير بدون جناح 
تركت الوقت تحت الظلم مكبوت 
وعم يكتروا الأشباح 
صوتك بقي متل الصدى بيموت
وماشي مابين رماح 
ع رصيف هالماضي صرت مزتوت 
طار الحمام وناح
جوعان ما عندك بقى في قوت
ونحنا بعصر جرّاح 
وما في معك أموال لا ياقوت 
وديكك بعد ما صاح
يعني إذا ما كنت متل الحوت 
بيكون وقتك راح
لا تدق عا باب العصر تتفوت
لا هالعصر رح يفتح بوابو إلك
ولا في معك مفتاح  .            د. عيسى فضة