/ شاب العمر / بقلم الشاعر المقدر الدكتور [ عيسى فضة ]

 

عيسى فضة

مشرف

أبرز المساهمين

 

 · ٢٧ د

 

 · 

/ شاب العمر /

هيهات نرجع لعهد الصبا هيهات

تانسهر بضو القمر ونألّف حكايات

وتنبلّش المشوار من اول سطر

واكتبلك من جديد عنوان الحياة

وانتي معي مش هم نبدا من الصفر

بترجملك كتاب الهوى بكل اللغات

بجددلك الأحلام وليالي الحمر

تنيناتنا منمرق ع جسر الأمنيات

شاعر أنا وشعري متل واحة زهر

والحب جوّات القلب . . ما مات

بيتي قصيدة ورد عنواني الشعر

بقول الغزل موصوف بأحلى الصفات

رفيقي القلم وشوية وراق وفكر

وقاعد على الأطلال بعتمة الآهات

وصاير يا حسرة بعد ما شاب العمر

ما ضل عندي غير شعري بهالزمان

وسيكارتي وفنجان قهوي وذكريات .

د. عيسى فضة

عرض الرؤى

معدل وصول المنشور: ٩

كل التفاعلات:

٣ابو علي ابوعلي، ونضال عبيد وشخص آخر