المجلة الإلكترونية لنشر الأعمال الأدبية والفنية للأديب والشاعر والملحن ..*صالح البعيني*..: ( مسافر للنهاية ) بقلم الشاعر المقدر الدكتور [ عابدين البرادعي ]

د.عابدين البرادعي

مسؤول

( مسافر للنهاية ) 
قومي يام العيال ------------------
واحكي كل المسئله ---------------
لبسي ولادنا الجديد --------------
عاوز اشوفهم مبسوطين
بالقميص والبنطلون -----------
 و الصغار بالمريله --------- 
احكيلهم عن حبي لهم -------------
وليه  ناوي عالسفر ---------
وليه سفرت بظلام الليل --------------
عن غفلة عيون  البشر ------------
وسط  البحار تحت المطر ---------
طريق كلو مهالك انحت بالصخر ---
اوعي تشكي في يوم للبشر-------
العتاب والشكوي لرب القدر  -----
احكيلهم  عن نصيببي اللي راح -----
وقومي صلي صلاة الوداع  -------
وكفني بدموعك نور القمر --------
واصبري علي المكتوب ------------
والكل عارف عن المعيشه ---------
مش هنبعد ولا نعتذر       -------
احلفك بالله اللى كتب ---------------
لا تبكي ولا تتحسري -------------
ادعيلي اكون يوم اللقاء ----------
لابس تاج  الصبر ----------------
واوعي تسالي مين السبب -------
هو نصيبي قبل الميلاد انكتب
اسال يا زمن مين السبب -------
وفين راحت مركبك -------------
 والعمر اللي اتنهب ------------
راحو يسددو فاتورة طغاه --------
 فرضوا علينا الشقا والتعب -------
ويجيبو رغيف العيش -------------
 وشويه فلوس للبيت اللي اتخرب
المعذره منكم ومننا مش بإدنا 
ولا نملك ننقذكم من التعب -----
القلب موجوع يام الولد -----------
كبر وراح يجيب من غير سبب -----
لالالا فيه مليووووووون سبب ----
لما اشوف ابن الجيران -----------
وماسك في يده الجنيه ----------
وابني واقف يبص عليه --------- 
اموت احسن وانا رايح بالسفر
ولا اموت واشوف المنظر 
ولا الحسره تدبحني -----------
 واقول مفيش سبب ------------
تعالو وشوفوا كل الجسس تايه
وسط الموج ومعاها جوازات السفر
بس مفهاش ختم  الامان -----------
 ولا مكتوب مات او انتحر --------؛
وكل الامال عايمة ويا الجسس ------
تنزف دموع الفقر والمرض ----------------
والحسره علي العمر اللي انكسر--------------
تبكي القلوب علي اللي راح بالبحر --------
ولا تبكي علي الولد اللي انتظر---------
ابوه يجب له لعبه او بسكوته ---------
تحلي بقه من المرار اللي انكتب ---------
يرجع ميت خلاص
 القدر قال كلمته
والولد اه منه الولد انتظر --------------
الزمان يبكي معاك علي اللي راح
والمركب فيها كل الاماني بالبحر
تلفها الامواج مثل السنين -------------
تاخدنا من بين الاوجاع والانين -----------
والسبب مين السبب
بقلمي عابدين محمود البرادعي