المجلة الإلكترونية لنشر الأعمال الأدبية والفنية للأديب والشاعر والملحن ..*صالح البعيني*..: / ضهري انكسر / بقلم الشاعر المقدر الدكتور [ عيسى فضة ]

عيسى فضة

مشرف
أبرز المساهمين

/   ضهري انكسر   /
لا تعتبي  معذور  كنت  بلا وعي 
داير ع جرّة غاز
وبدّي لتر مازوت نشّف مدمعي
وبعدو الأمل نزاز
ضهري انكسر ياريت لو كنتي معي
كنتي إلي عكاز
مقهور عم إصرخ ما كنتي تسمعي
إني إلك معتاز 
ما بحب منّي تزعلي وتتوجعي 
من هالإبتزاز 
مات الضمير وكان معجوق النعي 
وعم إحضر الجناز  
وعم عاتب المسؤول يللي بيدّعي
إنو الوضع ممتاز
تمنيت هالمسؤول إنك تقشعي
عم يشرح الإنجاز
وبيهد حيطان الوعي ع اللاوعي
ونسيان بيتو قزاز
معمي ع قلبي صرت إندهلك تعي
اشتقنا ع ضو الكاز
لا الكهربا بقيان فيها روح
دخنا ع كتر الإهتزاز 
مش هم رح نبقى سوا جايي الفرج
وباقي الوطن قلعة بطولة واعتزاز .
                                          د. عيسى فضة