{ فلسطيني } بقلم الشاعر المقدر [ عادل شعبان ]

 

فلسطينى
-----------
صوت المدافع بيعلا
وصوت الحق أعلى
دوى القنابل بيصرخ
وصرخة الوليد بمليون لعنة
ف جوف السما .. تشرخ
جدار الخوف تتجمد دموعنا
ذنبى ايه انا .. يا بشرية
يا حرية ... يا إنسانية
لا من حقى انسى ..نية
للظلم .. ولا للحياه معنى
مادام الشعارات بتتغنى
ومادام القرارات بتستنى
معدتش تفرق نار من جنة
ولا كسرة خبز يوم تجمعنا
ولا لفحة برد بقسوة تلسعنا
نتدفى بحيطان مهدومة
ونتلفع .. بجثث مردومة
ودموع لام مكلومة
مات م الخوف مش طعنة
و م الحزن غلبنى دمعى
وع الضمير والحق انعى
و ف صلاتى أسجد وادعى
للشهدا اللى فراقهم وجعنا
ورعشة منها يتنفض جسمى
م الخوف انسى ايه أسمى
يا عذرا .. لا .. لا تبتسمى
ف دموع المسيح عمدونى
وزعوا اشلائى على كل بيت حتة
وماحدش يقول الصبر والنهار امتى
ياللى بتضحك هناك أيوة انت
روحى بتطلع والجرح تضمدونى
وصدقونى بموتى ارضى بتطرح
غيرى ألوف وشباب يفرح
مش كل همه يراضى أمه
وكل أمله فى يوم ينجح
أنه يقدم روحه لارضه
ومابينساش شرفه وعرضه
وكل ما يأدى ف يوم فرضه
بيدعى ربه من صميم قلبه
عنه اخواته الشهداء يرضوا
-------
بقلم / عادل شعبان
قد تكون صورة ‏‏شخص واحد‏ و‏نص‏‏
كل التفاعلات:
أنت، وعشتار صالح، وSamira Abdalazez وشخص آخر

By صالح البعيني at

ليست هناك تعليقات:

إرسال تعليق

الاشتراك في: تعليقات الرسالة (Atom)

منتدى { واحة الشعر والنغم }

{ } بقلم الشاعر المقدر الدكتور [ ]