{ صباح الورد } بقلم الشاعر المقدر [ سلمان حسن ]

 

Salmaan Hasan

مسؤول
  
صباح الورد
قالو الوردة عطشانة يلزمها مَي
صبو المية اسقوها زعلانة شوي
هالجورية حيّوها يصبايا الحي
حرام الوردة تخلوها غصنا دبلان
**
الشمة منها صبحية بترد الروح
ليش الوردة منسية وعطرا ميفوح
شفت زرارا محنية عبتني جروح
علما ً بالورد الجوري قلبي ولهان
**
هلق بيجوني صحابي نتفة بكير
لمّا الصبية تمرق من صوب البير
يتوارو الحلوين حدا متل عصافير
وانا عم بغلي الركوة وقلبي ولهان
**
مرقت حلوة حكتني قالت بنجور
وشعرا الطاير عم ينفح ريحة كافور
مي عرفاني عالمفرق إني ناطور
خمس ليالي عالمفرق بعدي سهران
سلمان حسن
كل التفاعلات:
أنت، وعيسى فضة، وNabil Mahmmod وشخصان آخران

By صالح البعيني at

ليست هناك تعليقات:

إرسال تعليق

الاشتراك في: تعليقات الرسالة (Atom)

منتدى { واحة الشعر والنغم }

{ } بقلم الشاعر المقدر الدكتور [ ]