المجلة الإلكترونية لنشر الأعمال الأدبية والفنية للأديب والشاعر والملحن ..*صالح البعيني*..: / بالفشل محكوم / بقلم الشاعر المقدر د. [ عيسى فضة ]

عيسى فضة

مشرف
أبرز المساهمين

/  بالفشل محكوم  /
الإنسان لمّا يصير برّات السطر
عم يركض ومأزوم 
بين الهزيمه ضايع وبين النصر 
وماشي بوقت ملغوم 
بيكون وحدو صار ع خطوط الحمر
وبينوح متل البوم 
ممنوع إنو يفوت من باب العصر 
وعقلو ظرف مختوم 
وفيه الأماني ماتت وشح الفكر 
 ومنو الصبر معدوم 
عنقود كرمو ما بقى يعصر خمر 
الناطور مالو لزوم 
ولمّا الشجاعه فيه توصل للصفر 
يعني صفي مهزوم 
ومجهول رح بيصير عا درب العمر
بحكم الفشل محكوم 
ولو كل مطلع ليل زرعولو قمر
أو فوق صدرو علّقوا بيدر نجوم . د.عيسى فضة