المجلة الإلكترونية لنشر الأعمال الأدبية والفنية للأديب والشاعر والملحن ..*صالح البعيني*..: / عم ترجف قصب / بقلم الشاعر المقدر الدكتور [ عيسى فضة ]

عيسى فضة

مشرف

/   عم ترجف قصب    /
من غير ملامه بقول مرفوع العتب 
              وتا كون مع حالي أنا صادق صريح
ويبقى الحكي عنوان قاموس الأدب 
              بلغة الحقيقه بقول . . . هالتصريح 
عا صفحتو  هالعام  بحروفو  كتب
              جايي السني يا عيد ميلاد المسيح 
حامل ع إيدك دم ودموع وغضب 
             العنقود يابس والكرم صاير شحيح 
صار الوقت مهزوز مضروب العصب 
            لا جو  صافي  لا تخت  باقي  مريح
جايي متل مرعوب عم ترجف قصب  
            بعز  البرد  عم  تصرخ . . . وبتصيح
لا كهربا  ولا مي  حتى  ولا حطب 
            انشالله  المآسي عن دربنا . .  تزيح
ونرجع سوا رح نلتقي بعد الحرب
            وترجع  بلدنا  بيدر  العيد  الفصيح 
      وتشفى السعاده فيك ويصح الصحيح .
                                           د. عيسى فضة