المجلة الإلكترونية لنشر الأعمال الأدبية والفنية للأديب والشاعر والملحن ..*صالح البعيني*..: / كوني معي بالعيد / بقلم الشاعر المقدر الدكتور [ عيسى فضة ]

عيسى فضة

مشرف

/   كوني معي بالعيد   /
قاعد أنا وكانون عا صوت الرعد
             باقي ع باب الشوق تحت الزمهرير
عم إنطرك هالعيد تا توفي الوعد 
              عا غيبتك صفّيت مجهول المصير 
عليكي أنا مشغول طوّلتي البعد 
              وقلبي بلاكي كان محبوس وأسير 
حبك إلي عنوان قاموس السعد
         وقبل العشق ما يصير يا حلوي ضرير
قطفتلّك العسلات عن تم الشهد 
           عودي البسي فستانك الأبيض حرير 
وصبّي من شفافك خمر دفّي البرد 
            وكوني الأميره  بلبسك  تاج  الأمير
تتنام عينيكي معي بحضن الورد
            وتصحا معي بالعيد عا تخت العبير .
                                         د. عيسى فضة