المجلة الإلكترونية لنشر الأعمال الأدبية والفنية للأديب والشاعر والملحن ..*صالح البعيني*..: ( غزل ) بقلم الشاعر المقدر [ سلمان حسن ]

Salmaan Hasan

مسؤول

&&^&&&&&&( غزل)&&&&&&
شو هالنعمة الموجودة وماني دريان
بتسوىاهلي  وجدودي وكل الخلان
**
لما  مرقتي  بالواحة  كهربتي   الكل
فرشولك ارض الساحة يسمين وفل
شفتك نجمة سباحة كيف بدي  فل
حتى  تذوق تفاحة  قدش  عطشان
**
جيتي ب بدلة زهرية من دون كمام
بدلة  جديدة  بسهرية  ياريش  نعام
صرتي  قبالي حورية كيف  بدي نام
طارو  عقلاتي   مني   ويلك  سلمان 
**
يمكن   ربك ما  شافك  يوم    نزلتي
كنتي     بقيتي    بالجنة    وتملكتي
خدتي  عقلي  ورشادي   مع  زاكرتي
لو   انو  خدتي  روحي  ماني  ندمان
**
جيتي من بلاد الصيني يما من الهند
يما  بالخطأ  نزلتي   من   جنة  خلد
والأساور  تتلألء   في ساق    الزند
الرقبة  طولة  ما شالله  بدها  كردان
**
هيدي الواحة  ياروحي  شعّارا  كتار
كلو  مهندم   ومرتب   صنع   البيكار
وانتي بصدرك ياحلوة جوزين  جرار
والشاعر  عنا  بحالو  قديش  خرمان
**
قالت   كلا    ملياني   صبلك    كاس
الظاهر إنك رحماني وعندك إحساس
جامع  عندي  وكنيسة  عملك  قداس
هون  الجنة مجودة   مافي   شيطان
سلمان  حسن