المجلة الإلكترونية لنشر الأعمال الأدبية والفنية للأديب والشاعر والملحن ..*صالح البعيني*..: { محاكاة بين القلم والصحيفة } بقلم الشاعر المقدر [ سليمان ملحم ]

سليمان ملحم

أبرز المساهمين

محاكاة بين القلم والصحيفة꧂
قالت: 
من الورد والريحان مع فحم الحجر
             من جنة الأحلام من ضو القمر
من حركة  الغيمات  مع هطل المطر
       من جوهر الأفكار من عقول البشر
جاي ع داري بالحسن من غير خطر
        ********
جاي لوحدك ع البشر تنشر أفكار
          لولا وجودي لا حكايا ولا خبار
يا ريت تبقى با لجناين مع ازهار
       وعمرك ما تشوف البشر او تجار
كنت بجمالك ع السجية بلا خمار
     وكبرت لمن علموك دروس الهندسة
حساب المسائل والجبر والفلسفة. 
            تاريخ كاذب تكتبوا بالزخرفة
      بذكر البطولة تقتفي الأثار..؟؟؟ 
فقال: 
بيضا بوجودك والحسن عندك سحر
         وكنتي بجمالك بالأرض عندك جذر
والريح تلعب بالقصب فجر وعصر
            وأفكار عندك بلا سفن تقطع بحر
من علمك فن الفصاحة والكلام
              عملت جريدة بس لازم تعرفي
لولا ر يشتي ما بتظهري بيوم النشر
         رح تعرفي إني أنا الدونتها الحروف
حتى الطباعة من بصمتي كان الأمر..؟ 
قالت: 
ياريت ترجع من الصعب رح ننتصر
قول الحقيقة صعب قلبي بيعتصر
كل البشر جهراً ياخيي تغيروا.؟؟
 باحوا بأسرار الطبيعة ب الغدر.!!!؟؟؟ 
  حتى مصيري مع مصيرك معلقو!! 
ياريت حباً نفترق من غير عذر.؟ 
و الذنب مو ذنبي و ذنبك بالحضور..
 أسمع كلامي والأمر بدو صبر. 
أنت بترجع ع منبتك بين الزهور
وأنا لحالي بعيش ع ضفاف النهر
وإن ضاقت الأحوال فيني بالقهر
 رح أنتظر دوري على حفاف القبر..؟؟؟ 
مصياف.. أبو فياض. 5/1/2024
          **********