المجلة الإلكترونية لنشر الأعمال الأدبية والفنية للأديب والشاعر والملحن ..*صالح البعيني*..: ( الحب والعيد ) بقلم الشاعر المقدر الدكتور [ عيسى فضة ]

عيسى فضة

مشرف
أبرز المساهمين

(   الحب والعيد   )
قالت حبيبي اليوم عيد الحب
يمكن إنت نسيان
ومشغول بالك يا حلو بالحرب
وفزعان من فزعان 
ما عدت خمر الحب عم بتصب
كاس القلب نشفان 
وبعدك يا غالي ضايع بهالدرب 
ومضيع  العنوان
ملهوف ماشي ع الطريق الصعب
بنهر العتم غرقان 
وصاير معي ماشي الدرب بالورب
ومخربط الدوزان 
قلتلها لا تزعلي سكّرت باب القلب 
تعودت ع الحرمان 
شوفي ع كرم الحب فات الدب
أكل الأماني والأمان
يا ريت لو بيعود عيد الحب
ويرجع متل ما كان
ونرجع سوا بهالعيد ويعود الوفا
وترجع شموع الحب تضوي الشمعدان .
                                         د. عيسى فضة