عيسى فضة مع Saleh Albouini.
( صحّي ضميرك يا دني )
يا هالدني حاجي بقى تجنّي
صحّي الضمير النايم الغافي
صوتي انجرح من بحة العنّي
وتقلان حملك صار ع كتافي
قبل الحكي ما يموت ع شفافي
وخمر العشق ما يخلص بدنّي
اعطيني الدفا من شي قلب دافي
وشيلي غطا الحرمان عنّي
مشتاق إشرب كاس ع الصافي
بطعمة رضاب شفافها وغنّي
اتركيني غوص في بحر القوافي
تا حوّش الياقوت من فنّي
اعطيني وطن والبلسم الشافي
تيطيب جرحي وينتهي ظني
بس اتركيني نام عا تخت العوافي
وخدي كل الدهب والمال منّي . د. عيسى فضة
ليست هناك تعليقات:
إرسال تعليق