المجلة الإلكترونية لنشر الأعمال الأدبية والفنية للأديب والشاعر والملحن ..*صالح البعيني*..: ( عيد الأم والذكريات ) بقلم الشاعر المقدر الدكتور [ عيسى فضة ]

عيسى فضة

(   عيد الأم والذكريات   )
حملتك بذاكرتي يا أمي وجيت 
                عا بيتك وجايب معي الماضي
عا مطرح للي خلقت فيه ربيت 
                   بعيدك  تداوي  كل  أمراضي 
ما لقيت غير  خيالك  بهالبيت
                وشفّة  يتيمة  بكاسنا  الفاضي 
وريحة  حنانك  فايحا  شمّيت 
                   ريحة  تيابك  بين  أغراضي 
تخيّلت  عينيكي  معي ونسيت 
               عتم الشقى المكبوب ع بياضي
تذكرت  أيامي  معك  وبكيت
              ومتل الكأني بالزمان الإفتراضي 
طلعتي على الفردوس وحدي بقيت
                 خاضع  لحكم  وهيبة  القاضي  
لاكن عزائي كبير إنك بالسما 
                 وألله  عليكي  بجنتو  راضي .
عيد أم سعيد للأمهات الأحياء والرحمة لأرواح الأمهات الراحلات وكل عام وأنتم بخير.