المجلة الإلكترونية لنشر الأعمال الأدبية والفنية للأديب والشاعر والملحن ..*صالح البعيني*..: ꧁ الوطن غالي ꧂ بقلم الشاعر المقدر [ سليمان ملحم ]

سليمان ملحم

أبرز المساهمين

꧁الوطن غالي꧂
غرد بلبل سورية فوق العنقود
          بصوتو يشفي لجروحي عبر الأيام
يرفرف فوق الدالية يغرد يجود
       يشمشم ريحة زهراتى برسم الأحلام
قلبي يشتاق وصالو يلثم خدود
           بلكي بيسكن بقلبي طول الأعوام
تلامس أيدي دياتو وتطلع صعود
           حتى تلامس وجناتو تفاح الشام
تغندر يتململ حدي تاضم نهود
          يصيح عجل ياحبي ماني عم نام
وقف قلبي من خوفي بكتر الشهود
           يرفع دعوى للقاضي يحكم أعدام
طلبوا منو يستنى بلكي رح عود
           أخود توقيع العيلة خوالوا وعمام
لكن حبي يادلي كسر القيود
            وهدد كل العشيرة يحرق الخيام
يكتب قصة بتحاكي أهل الأخدود
           وينشرها عن أحوالو بحرق الأثام
ويقسم لأهل الديرة ع النار قعود
              رح يبقى عليها قاعد رغم الألام
حتى ترجع سورية وبالحب تجود
              وننشر راية المحبة ونرفع أعلام
وكل من خارج سورية لا بد يعود
            نعيش بحسن التآخي حب ووئام
ونبقى ضمن سورية وعنها بنزود
         بأغلى ما نملك خيي ارواح وأجسام
ربي يحمي قائدنا أسد الأسود
         حامي ترابك سورية بحسن الختام. 
مصياف.. أبو فياض. 22/4/2024