المجلة الإلكترونية لنشر الأعمال الأدبية والفنية للأديب والشاعر والملحن ..*صالح البعيني*..: ꧁ زائرتي ꧂ بقلم الشاعر المقدر [ سليمان ملحم ]

سليمان ملحم

أبرز المساهمين

꧁ زائرتي ꧂
جاي ع مهلا وخطوتا فيها حذر
              دروب ضيقة والحجر حدا حجر
عينى عليي مشتتي الأفكار
              بمشيتى  مو واثقة حولا الخطر
 ومسكت إيدها قبل السقوط 
          لو ما وصلت ع الوقت رجلا أنكسر
أحمرت خجل وخدودها كالنار
          وتلعثمت بالحكي  والعذر منها بدر
وتشكرتني بالهمس قالت غريب
            قلت معليش مسامحا قلبي  الأمر
لوين  ب الله تسمحيلي  بالسؤال
            وينك  رايحة  والدني  برد  ومطر
اتلبكت و بالتمتمة كان الجواب
             وقالت بعدني رايحه أقطف  زهر
أتبسمت وحبيت صدق للكلام
            وبعرف  ياربي الحلو جايبلي خبر
وتجاهلت كلماتها وقلبي حزين
               باين  عليها  كيف  أتعبها  السفر
جاي لعندي تعترف إني الحبيب
            شكرتك ياربي هيك كاتبلي القدر
غمرت لقلبي بالسعادة والأفراح
             عسى  المحبة تنتشر  بين  البشر
 بالبيت  أهلي سمعولا  الكلام
              وعرفوا  حقيقة حبنا رح  تنتشر
بيي سألها وين ربعك والديار
          قالت ياعمي الكل سافر من الصغر
وحدي أنا تربيت بملجأ الأيتام
             وتعرفت  بالجامعة   بهيدا  القمر
هلق ياعمي جاي بصدق الكلام
           ت كون فرد بعيلتو من غير  ضجر
إذا موافق ترغب نحقق الأحلام 
         عيشة محبة لازعل مني ولامنو بدر
جل الحقيقة الحب ماهو حرام
           من  تعارفنا  كل منا  للأخر   نطر
(((فهل يوافق الأب أم يرفض
لست أدري.الرأي عندكم.))) 
مصياف سليمان ملحم. 10/4/2024