{ عيد الجلاء } بقلم الشعر الفنان المقدر [ مدين رحال ]

 

أبرز المساهمين
  
عيد الجلاء : كل عام وأنتم بخير
----------------------------------------
عيد الجلاء ال شَرّف بنيسان
دمّ انسكب تا أرضنا سْقينا
وعزفت سورية أجمل الألحان
للنصر و التحرير غنّينا
و أبطال صاروا للشرف عنوان
حتّى صروح المجد علّينا
لليوم بعدو ذكرهم منصان
و كرمالهن للرب صلّينا
سلطان باشا ثورتو بركان
والشيخ صالح رَجّح الميزان
و نخوة هنانو للوطن إيمان
شموعن وطن بالقلب ضوّينا
يوسف العظمه بْ مَيسلونو كان
وحدو يجابه هجمة الطغيان
استشهد وْ ما اسْتسلم وْلا لان
و عا منهجو نحنا تْرَبّينا
و هلّق بعد ما مرّت الأزمان
بدعي إلهي بقول يا رحمن
نْعيّد سوى بالشام والجولان
استقلالنا كامل بإيدينا
----------------------
شعر مدين رحال
قد تكون صورة ‏‏‏شخصين‏، و‏المكتب البيضاوي‏‏ و‏نص‏‏
كل التفاعلات:
أنت، وعيسى فضة، وSalmaan Hasan وشخصان آخران

ليست هناك تعليقات:

إرسال تعليق

منتدى { واحة الشعر والنغم }

{ } بقلم الشاعر المقدر الدكتور [ ]