( الحب والصراحة )
رغم العشق موجوع
مفقود الأمل
جروح الأماني
بهالعصر عم ينزفو
قول كلمه عا عجل
الحب الحقيقي
اليوم بدي أوصفو
من اول
التكوين بيقول المتل
أحلى حكي
بالحب لازم تعرفو
لمّا الحبيب
يكون قلبو من عسل
لا تاكلو
بجنون كلّو وتلهفو
إصبط ع إيقاع
الوفا لحن الغزل
دوزن وتر
شريان قلبك ولّفو
وانسى المواجع
فوت على كرم الحياة
وكل ما استوى
العنقود عجّل واقطفو . د. عيسى فضة
ليست هناك تعليقات:
إرسال تعليق