المجلة الإلكترونية لنشر الأعمال الأدبية والفنية للأديب والشاعر والملحن ..*صالح البعيني*..: ( خارطة الطريق ) بقلم الشاعر المقدر الدكتور [ عيسى فضة ]

عيسى فضة

مشرف
أبرز المساهمين

(   خارطة الطريق   )
يا ريت لو بيعود عن حق وحقيق 
الماضي الحلو ويظبّط حسابو 
وترجع معو الأحلام والحب العتيق
والعيد يحلى يشرع بوابو 
ويرسم بلون جديد خارطة الطريق 
ونصير نقرأ مليح بكتابو
يدفّي البرد بالقلب ويطفّي الحريق
وماتكون شعرات العمر شابو
والحب يرجع والوفا بقلب الصديق
وتعود إيام الصفا الغابو 
نلاقي بنفق هالكون شي لمعة بريق 
ويرجع وطنّا يزيّن تيابو 
بلون السلام ويرجع الماضي العريق 
حامل فرح كل عيد بجيابو 
يفوت الفرج يمحي مآسي الضيق
وكرم العشق بيطيب عنّابو 
ونبقى سوا ع دراج هالأعياد
ويصدح ع غصن العيد زريابو .  د عيسى فضة