المجلة الإلكترونية لنشر الأعمال الأدبية والفنية للأديب والشاعر والملحن ..*صالح البعيني*..: / دمع عيوني خلّصتو / موشح بقلم الشاعر المقدر الدكتور [ عيسى فضة ]

عيسى فضة

مشرف
أبرز المساهمين

/   دمع عيوني خلّصتو  /  موشح
يا حبيبي حاجي تعجيز
ضو  سراجك  نوّستو 
وحبك مع وقف التنفيذ 
برات  الشوق  حبستو 
وتاركني ع بواب الليل
متل الخيّالي بلا خيل 
ومتل الطفل بهاك الميل
ضاع  وضيّع  مدرستو 
مابعرف شو رح ساوي  
وكيف ممكن جرحي داوي 
قلبي من الحامض لاوي 
ودمع  عيوني  خلّصتو 
بصراحه  رح  قلّك  سر 
غيابك عنّي  طعمو مر 
ولمّا خيالك صوتي مر
بلهفه  بكيت  وبوّستو .   د. عيسى فضة