{ حوار زجلي بين الشاعرين مدين رحال وأحمد محيدلي }

 

مدين رحال

مساهم ممتاز
  
الموضوع بين الزواج من الأجنبية والعربية
حوار زجلي بين الشاعرين مدين رحال وأحمد محيدلي في شهر/ 6/ 2024
---------------------------------------
البداية مدين رحال
احمد بعمرو صار فوق الأربعين
ومازال بعدو اعزب مكركب حزين
حالف مايتخلا عن عزوبيتو
لو من فرنسا رحت جبلو جوزافين
-------------------------------------
] احمد محيدلي:
ما صرت متزوّج بهيدي المرحلي
مش واقفة عا جوزافين المسألي
لو جبت الف و خمسمية جوزفين
م بيعجبوني ولا بريدُن بو علي
-------------------------------
مدين رحال
مين اللي قلك جوزافين بتقبلك
يما بتقبل تلتجي عامنزلك
بلبنان لو تتزوجك أفقر مرا
يومين ياأحمد مَ فيها تحملك
-------------------------------
احمد محيدلي:
ل بريد تقبلني و ل هيّي مطلبي
لكن سؤالي اللي برِدْلو أجوبي
بنت العرب بنت. الأصل بنت الشرف
ليش آهتمامك بالزواج الأجنبي
----------------------------
: مدين رحال
هالأجنبية معطرة أنفاسها
تركني بسعادة عيش مع إحساسها
وخليك. مع بنت العرب عايش حزين
بدل العطر بالكاز مسحت راسها
---------------------------
احمد محيدلي
ن شفت الزواج عْطور تنشق فلّها
بنت العرب لَ تهينها و تذلّها
و لو ناخد من الأجنبيّة التربية
ب تتهدّم بيوت العروبة كلّها
-----------------------------
مدين رحال
بنت العروبة طاهرة بألوانها
بتصبر ع فقر الزوج من إحسانها
ولما بتقرا رْوايتي اقرا مليح
اكبر غلط تحكم على عنوانها
---------------------------------
احمد محيدلي:
نحنا وضعنا بحثنا يا أنشتَين
لْ بنت العرب و الأجنبيّة رحْت وين
شو همّني من قرايتك و روايتك
خلّص بواحد عود إحكي بالتنين
------------------------------
مدين رحال
مسكين مَ فهمت الجواب بوجه عام
من هالرواية اليوم يااحمد فهام
مش كل بنت من الغرب عملت بلا
ولا كِلّ بنت من. الشرق مشيت تمام
--------------------------------------
احمد محيدلي
فينا استقامة مش من الغرب الدَني
و بنت الشرق مَا خصّها بالدلعَني
و ما كان غازي شرقنا هالإنحراف
لوما الأجانب وزّعوه عْلى عالدِني
-----------------------------------
مدين رحال
بنت الشرق صانت شرفها ب ذاتها
و كبتت مشاعرها بحكم عاداتها
وبنت الغرب بالرغم من هالإنفتاح
اعطيها الثقة ولَ تخاف من كبواتها
-----------------------------------
احمد محيدلي
يا تَوعية بْقبر الحضارة بْتندفَن
مين. ل بِرجّي. العطْر من كمشةت عفَن
نْ كان الثقة. رح تنعطَى ل اللي. كِبي
يعني الأصالي رح تصفّي بالكفن
-----------------------------
مدين رحال
كمشة /ت/ عفن لَ تقولها وحاجة فجور
اقشع اللب واترك غبار القشور
بتدفن حضارة بالعلم والإختراع
وبعدك. بعصر الجاهلية عم تغور
-------------------------------
احمد محيدلي
يا مُخترِع بالشرق كلما ب يوجَدُوك
ب إيد الخبيثة و شرّها عم يقتلوك
و شرّ الغرِب عم يبعَتوه ل شرقنا
لْعم يسرقوا من. الشرق ت يصيروا ملوك
----------------------------
مدين رحال
موضوعنا بين الزواج الأجنبي
وبين الزواج بيعربية طيبة/ي
ويامخترع لو أجنبية بتعشقك
بتركع تْ بَوّس أيدها عالمرتبة/ي
------------------------------------
أحمد محيدلي
بدّي ولادي يرتِبو متديّنين
ولا يخلطوا بين امر. دنيا و امر. دين
و ب بوس ايد الإمّ عا هالتربية
م المؤمنين تعلّمو مْن المؤمنين
------------------------------
رد الختام مدين رحال
حتى الدين يكون للعتمة منار
وتشوف ابنك متل زهر الجلنار
نحنا العرب أتباع أحمد والمسيح
اخوة سوا نتعايش بذات الديار
-------------------------------
رد الختام أحمد محيدلي
كل الحضارة بْهالنضارة و الغِوى
للناس سَمّ مغلف. بْعلبةْت دَوا
لوما نحافِظ عالوعِي و التربية
مَ بْتُعمَر الأوطان و نحلِّق سَوا
-------------------------------
قد تكون صورة ‏‏شخصين‏ و‏نص‏‏
كل التفاعلات:
نعمت عامر

By صالح البعيني at

ليست هناك تعليقات:

إرسال تعليق

الاشتراك في: تعليقات الرسالة (Atom)

منتدى { واحة الشعر والنغم }

{ } بقلم الشاعر المقدر الدكتور [ ]